سيدي وان قلت لي حدد مصيرك قلت طوعك سيدي فهد تنقّى

قصيدة مهداة لـ سمو الأمير فهد بن سلطان بن عبدالعزيز آل سعود – أمير منطقة تبوك – حفظه الله ورعاه .

مرحباً ياللي على الامجاد سيرك
ايترقّى . . و يترقّى . . و يترقّى

وكان ندرك أوّلك ، نجهل اخيرك
من كرم يمناً عطاها ما يبقّى

ياوريث اللي تشابه ابكثيرك
يانهر منْه اغلب العالم تسّقى

جادك الله للبشر وارهى غزيرك
في جراهيد القلوب اللي تشقّى

وازهرو ناس بعطاك وفي مسيرك
فاح صيتاً . . كنه العود المسقّى

ما يدل الفقر . . رجلاً يستجيرك
ولا يعرف الخوف رجلاً بك توّقّى

ولايهاب الموت من ياقف غفيرك
دون روحك . . كل روحاً ما تتقّى

سيدي وان قلت لي حدد مصيرك
قلت طوعك سيدي فهد . . تنقّى

ان بغيت الروح قلت الروح .. طيرك
دون حفنه من الوطن ما تنتبقّى

من بلغ قمة رضاك وشاف خيرك
اشهد انه ماعرف درب المشقّى

بندر بن الحميدي المطيري – الكويت