هذا غلاك بداخلي حي ما مات

تدري غلاك بداخلي يوم ما مات
وتدري بعد كل يوم اشوفه خيالك

متعلقٍ قلبي بكم كل الاوقات
و ما لوم قلبي لو تعب في وصالك

إن قلت حبك بالحشا ما خذٍ زات
وشلون روحٍ في غيابك تطالك

عطني تفاصيلك وانا شخص نحْات
فاهم تواصيفك وفاهم منالك

بنحت غيابٍ داخلي فاقد بيات
ما غير طيفٍ في حلومه يخالك

اغليك لوني ميت بكثر الاسكات
ما اقدر اقول ابنشدك كيف حالك

تنهاني العفه وتنهاني الذات
عن شي في بالي ولا قد طرا لك

مدري وش الحيله و انا بين الآهات
و لا ادري عسى كل ما كتبته هنا لك

لوني مقدم ما كتبته من ابيات
لـ ابوفهد قال ابشر و عند فالك

هذا غلاك بداخلي حي ما مات
وللحين عايش لو تشح بوصالك

الشاعر/ فهد القشّه / نسّاي .