الآدمي كله من تراب مجموع

من يهدي الفرحه ونا اهديله اشموع
منهو عطاني  فرحته من سجله

الحزن ماخلا  للافراح  موضوع
مهما نحاول يطرح الحزن ضله

تفرح سنه تفرح شهر تفرح اسبوع
تجيك من دورات الايام  عله

هذا خبر مقري ومرئي ومسموع
وعاجل ومدري  ويش الي عاجلله

ومصايب الدنياء على كل ابو نوع
ومابشرت وجه السنين المطله

والله يصيب الناس بالفقر والجوع 
ولآ وباء يلي  تحفظ  الادله

ويلي تشوف  انك من الموت مفجوع
الموت  مابه  واحدً ماوصله

والادمي كله من  اتراب مجموع
مهو خطاء لو هو راجعً في  محله

ويالله دام ان الرجاء مهو مقطوع
رحماك يالي خالق الكون كله

الشاعر محمد العاند