دخلك أنا

بقلم :- عايده عيد

دخلك أنا لا تغيب صوتك إلي إنعاش
وسر السعادة فيك ملفلفي بقماش
من ورد من فل من شهقة الانفاس
فتش على وجودي وهندس الاحساس
وبوس خدودي هيك الهنا بينعاش

دخلك أنا لا تغيب

وكمل على الباقي
وأسرق من نظرتك أفكار
وبادلك هالسحر وأكتب الأشعار
ونرقص عنغمة تجنن المزمار
ونرجع من هالعمر اعمار
وخبر وراقي

صوتك إلي إنعاش
وكل اللي فيي فيك
بضيعك وبلاقيك
وبرسم على شبابيك
وجك بورقة غار
وخبرك …خبرك شو صار
عشقي إلك متل العسل بجرار

بسر السعادة  لفيك كل فيي عاش
دخلك انا لا تغيب صوتك إلي إنعاش