مدارات الافلاك

الشاعر/ عادل المعتاد

المرجله من ساس جدك ومرباك
المرجله فعلاً من اول وتالي

اللي نسى مرضي وفعله بالأتراك
واللي نسى ابراهيم يوم القتالي

نقول له حنا مدارات الافلاك
دايم لنا مركز وعرش ومعالي

أن كانها بمزارق الشلف كفاك
جدانك اللي يحتمون التوالي

وأن كانها بالعلم والطب قل هاك
إنجازنا يشرف عمام وخوالي

مبروووك واللي حزت فعلاً بيمناك
ماجاك بالفزعه ٠٠ وخشم ريالي

ياولد زارع ٠٠ كل طرقاء تمناك
وذكرك يشرف مع زحول الرجالي

تمت وباقي لي من الشعر ماجاك
صح الله السانك ٠٠ لياقلت خالي